The Brook, Linen – Morris & Co

Name: The Brook, Linen - Morris &amp; Co
SKU: 216821
Availability: BackOrder

43.836 kr. fermetraverð

Enski fjöllistamaðurinn William Morris, sem var í fararbroddi í list- og handíðahreyfingunni (Arts and Crafts) á 19. öld, er sérstaklega þekktur fyrir veggfóðurshönnun sína. Áherslur hans voru á náttúruleg form og lífræna hönnun í daglegu lífi almennings, með stílfærðum blómum, plöntum, fuglum, ávöxtum og fleiri náttúrumótífum. Þessi mikli hugsjónamaður skildi eftir sig um 50 mynstur sem höfðu mikil áhrif á innanhússhönnun almennt, t.d. gætir áhrifa hans greinilega í Art Nouveau, sem er beinn forveri Art Deco stílsins. Fingraför Morris eru greinileg í mynsturgerð enn þann dag í dag enda hefur hann oft verið nefndur faðir veggfóðursins.

Í huga Morris voru veggteppi æðsta form skreytingarlistar. The Brook veggfóðrið fangar einmitt kunnuglega stemningu úr veggteppum miðalda, með dádýr á beit í skóginum. Þessi hönnun endurskapar skerpu og falleg smáatriði sem veggteppi miðalda eru svo þekkt fyrir.

The Brook er úr blöndu af pappír og gervitrefjum (non-woven) sem þenst ekki út í límingu og er auðvelt að ná af veggnum seinna meir. Athugið að mælt er með að setja límið á vegginn. Þrífið límbletti af framhlið með hreinu vatni og mjúkum svampi ÁÐUR en límið þornar. Lesið leiðbeiningar vel eða fáið fagmann í verkið.

Lágmarkspöntun er 3m². Við mælum með að bæta um 5 cm við breidd og hæð því veggir eru oft skakkir.

Leiðbeiningar fyrir veggfóður með non-woven bakhlið

Í boði sem biðpöntun