Vinsældir kalkmálningar hefur vaxið ört síðastliðin ár og má tala um endurfæðingu því hún var notuð öldum saman við málun húsa áður en plastmálning kom til fyrir nokkrum áratugum. Sérefni hófu að kynna þennan fallega og umhverfisvæna valkost fyrir Íslendingum og hafa um árabil flutt inn ekta ítalska kalkmálningu.

Kalkmálningin okkar er almött og dýptin í litunum algjörlega einstök og sérlega falleg. Áferðin og mild litbrigðin eru breytileg og stjórnast af aðferð við málun, birtuskilyrðum og lýsingu. Kalkmálning er máluð á veggi líkt og plastmálning nema með stórum pensli til að fá þessa fallegu, lifandi áferð. Hún hentar tvímælalaust bæði með antík- og nútímahúsgögnum og innréttingum því segja má að hún sé tímalaus.

Ekta kalkmálning er hreint náttúruefni og umhverfisvæn afurð sem stuðlar að heilnæmu andrúmslofti þar sem hún inniheldur hvorki plast- né rotvarnarefni, enda byggja þau á ævagömlum vinnsluaðferðum sem komu fram löngu fyrir tíma plast- og iðnaðarefna. Kalk er mjög basískt efni og því þrífst ekki í því mygla. Athugið að plastmálning er oft ranglega kölluð kalkmálning ef hún er blönduð kalki að einhverju leyti. Þannig vara skilar hvorki þessari einstöku dýpt né hefur framangreinda umhverfiseiginleika.

Um notkun kalkmálningar

Kalkmálning litakort

Myndagallerí

Showing all 2 results