Rattan – opinn reyrvefur 90×100 cm

Spanskreyr eða reyr (rattan) er efni unnið úr mörgum tegundum pálmatrjáa sem vaxa í hitabelti Afríku, Asíu og Eyjaálfu. Reyr er níðsterkur og hefur í gegnum tíðina verið mest notaður í körfur og fléttaður í vef fyrir stóla. Opinn reyrvefur er misstórgerður, þessi er “opinn” eða með um sentimetravíðum götum. Reyrvefinn má nota á ýmsa vegu, í raun ræður hugmyndaflugið för. Sem dæmi má nefna í skápahurðir, skilrúm, lampaskerma, hillur, bakka og fleira. Við mælum með sérstyrktri tegund til stólasetugerðar.

Reyrinn er einfaldur í uppsetningu. Mikilvægast er að leggja hann í bleyti, í a.m.k. 2 klst. Þá mýkist hann og slaknar aðeins og verður auðveldur að meðhöndla. Reyrinn er síðan heftaður á flötinn, t.d. á bak hurðaramma. Hann gæti virst svolítið ójafn í fyrstu en hann strekkist þegar hann þornar og jafnast út.

Opinn reyrvefur (rattan), er seldur í metramáli hér í vefverslun. Breidd er 90 cm. Hægt er að kaupa eftir nákvæmu máli í versluninni Dalvegi, t.d. 1.8 m, en þá skal senda pöntun á serefni@serefni.is