Umhverfisvottaðar vörur
Sérefni hefur um árabil haft umhverfissjónarmið að leiðarljósi við val á vörum, í innflutningi og sölu á málningu. Stór hluti þeirrar stefnu markast af samstarfi við aðalbirgjann okkar; málningar- og efnafyrirtækið AkzoNobel með vörumerkin Nordsjö, Sikkens og International. AkzoNobel er einn allra stærsti málningarframleiðandi í heimi, með starfsemi í öllum heimsálfum. AkzoNobel hefur skarað fram úr í umhverfis-, félags- og efnahagsmálum í sínum geira og iðulega verið valið í efsta sæti í sjálfbærnivísitölu hjá þeim óháðu rannsóknaraðilum í umhverfismálum sem fremstir standa í mælingum á sjálfbærni fyrirtækja í heiminum. Þar má nefna Susainalytics, MSCI, FTSE4Good, Ecovadis, Moody‘s, ESG Solutions og Terra Carta Seal. Markmið AkzoNobel í umhverfismálum í dag er að árið 2030 verði kolefnissporið farið niður um helming og árið 2050 verði kolefnishlutleysi náð. Markmiðin snúa að umhverfisvænni efnum, minni vatns- og orkunotkun, lágmarksúrgangi og endurnýtingu.
Nýlega voru Sérefni eitt af fyrstu fyrirtækjunum til að taka þátt í verkefninu Vistbókin vistbok.is sem er fyrsti íslenski gagnabankinn fyrir umhverfisvænar byggingarvörur. Með þátttökunni og skráningu á umhverfisvottuðum vörum úr okkar vöruúrvali stuðlum við að lægra kolefnisspori í byggingarstarfsemi og mannvirkjagerð hérlendis.
Hér fyrir neðan má sjá lista yfir Nordsjö og Sikkens málningu í Sérefnum sem hafa viðurkenndar alþjóðlegar umhverfisvottanir og standast því ströngustu kröfur um vistvæna málningu.
Svanurinn
Svanurinn er opinbert umhverfismerki Norðurlandanna. Markmiðið með svansvottun er að stuðla að því að dregið sé úr þeim heildaráhrifum sem maðurinn hefur á umhverfi sitt. Þannig er hver vörutegund metin út frá öllum „líftíma“ sínum. Strangar kröfur tryggja að svansmerkt vara er betri fyrir umhverfið og heilsuna. Umhverfisstofnun hefur umsjón með Svaninum á Íslandi.
- Akrylfog – Akrýlkítti
- Colour Test – Litaprufur
- Murtex Acrylic – Hrein akrýl útimálning
- One Door & Window Tech – Gluggamálning
- One Super Tech – Akrýlhúð (úti)
- Original Grundfärg Vägg och Tak – Spartl- og múrgrunnur
- Original Häftgrund Snickeri – Akrýlgrunnur
- Perform+ Easy2Clean – Auðþrifin veggjamálning
- Professional A5 – Veggja- og loftamálning
- Professional Grov – Grófspartl
- Professional Grund+ – Spartlgrunnur
- Professional Medium Spackel – Medium spartl
- Professional Medium Sprutspackel – Medium sprautuspartl
- Professional P6 – Veggjamálning
- Professional Rems- & Skarv – Samskeytaspartl
- Professional Rullspackel – Rúlluspartl
- Professional Snickeri 15 – Innilakk
- Professional Snickeri 40 – Innilakk
- Professional Snickeri 80 – Innilakk
- Professional Xtreme 1 – Loftamálning
- Tinova Primer Exterior – Vatnsþynnanlegur trégrunnur
Evrópublómið
Evrópublómið er opinbert umhverfismerki Evrópusambandsins. Markmið Blómsins er að kynna vörur með sem minnstum umhverfisáhrifum. Til þess að uppfylla kröfur Blómsins eru áhrif vörunnar metin, til að mynda orkunotkun við framleiðslu, umhverfisálag við notkun, íblöndun kemískra efna og meðhöndlun úrgangs. Strangar reglur gilda um lífræn leysiefni, þungmálma og eiturefni. Umhverfisstofnun hefur umsjón með Blóminu á Íslandi.
- Alpha Rezisto Easy Clean Mat – Auðþrifin veggjamálning 3%
- Alphacryl Pure Mat SF – Auðþrifin almött veggjamálning
- Colour Test – Litaprufur
- One Door & Window Tech – Gluggamálning
- Original Grundfärg Vägg och Tak – Spartl- og múrgrunnur
- Original Häftgrund Snickeri – Akrýlgrunnur
- Professional A5 – Lofta- og veggjamálning
- Professional Grund+ – Spartlgrunnur
Environmental Product Declaration
Environmental Product Declaration, eða umhverfisvöruyfirlýsing, eins og hún er kölluð, er skráning sem byggir á umhverfiseiginleikum vöru og er þróuð í samræmi við evrópska og alþjóðlega staðla.
Sjálfbær framleiðsla og framboð á sjálfbærum vörum er aðaláhersla hjá AkzoNobel. Að hafa umhverfisskráningu á vörum þýðir að sýnt er á gegnsæjan hátt hvaða áhrif varan hefur á umhverfið á líftíma sínum.
- Akrylfog – Akrýlkítti
- Non-Woven Lim – Veggfóðurslím
- Professional A5 – Nýbyggingamálning
- Professional Grov – Grófspartl
- Professional Grund+ – Spartlgrunnur
- Professional Medium Spackel – Medium spartl
- Professional Medium Sprutspackel – Medium sprautuspartl
- Professional P6 – Auðþrifin akrýlmálning 6%
- Professional P25 – Akrýlmálning 25%
- Professional Rems- & och Skarv – Samskeytalímspartl
- Professional Rullspackel – Rúlluspartl
- Professional Sprutspackel – S-sprautuspartl
- Professional Xtreme 1 – Almött loftamálning
Svalan
Svalan er merki Norrænu astma- og ofnæmissamtakanna. Vara sem samtökin mæla með hefur verið metin laus við ofnæmisvalda, ilmefni og ertandi efni að því marki að engin læknisfræðileg tilvik hafa fundist sem tengjast innihaldsefnum vörunnar.
- Colour Test – Litaprufur
- Professional Grund+ – Spartlgrunnur
