Að mála vatnsbretti og lárétta steinfleti

Að mála vatnsbretti og lárétta steinfleti

með teygjanlegri málningu

Skynsamlegasti valkosturinn við málun á vatnsbrettum er ONE Super Tech akrýlmálning. Hún er teygjanleg, rakaþétt og vatnsfráhrindandi, lokar fletinum og myndar þétta og fljótþornandi filmu. Annar valkostur er Murtex Acrylic.

1. Steinsteypa þarf að vera a.m.k. 30 daga gömul, þurr og laus við sementshúð, ryk, fitu, myglu og önnur óhreinindi. Sementshúð skal fjarlægja með steinslípun eða háþrýsti­þvotti. Látið þorna í nokkra daga eftir þvott.
2. Sílanberið nýjan og ómálaðan stein með Murtex Waterproof eða Mur-Silan (monosilan). Látið sílanið standa í a.m.k. 48 klst. fyrir málun. Sílanið dregur úr hárpípusogi steypunnar á vatni og lengir endingu málningarinnar verulega.
3. Grunnið með 15% þynntum Alpha Aquafix Opaque grunni (hvítur). Ef flöturinn er duftsmitandi eða mjög gljúpur skal grunna með Microdispers grunni (glær).
4. Málið 2-3 umferðir með ONE Super Tech. Málið aðeins út á lóðréttan flöt til að mynda „hatt“, sem dregur úr möguleika vatns að skríða undir málningarfilmuna.
5. Þar sem þörf er á Alphacoat (kvarsfylltum og teygjanlegum fylligrunni) til að jafna áferð og ásýnd viðgerða skal einungis nota ONE Super Tech eða Murtex Acrylic sem yfirefni. Alphacoat hentar ekki með síloxan málningu.

1. Tryggið að flöturinn sé þurr og laus við ryk, fitu, umferðarsót og önnur óhreinindi. Fjarlægið óhreinindi með Målartvätt og lausa málningu með háþrýstiþvotti.
2. Grunnið beran stein með Mur-Silan og síðan Alpha Aquafix Opaque grunni, þynntum 10% með vatni.
3. Þar sem þörf er á Alphacoat (kvartsfylltum og teygjanlegum fylligrunni) til að jafna áferð og ásýnd viðgerða skal einungis nota ONE Super Tech eða Murtex Acrylic sem yfirefni. Alphacoat hentar ekki með síloxan málningu.
4. Málið 2-3 umferðir með veggjamálningu, sbr. nýmálun að ofan.

Ekki láta málningar­dósina standa opna meðan á verki stendur. Þrífið verkfæri strax eftir notkun. Athugið að kviknað getur í olíublautum tuskum og tvisti af sjálfu sér og verður að bleyta þær með vatni áður en þeim er hent á öruggan stað. Hellið ekki málningar- og hreinsiefnaleifum í niðurföll. Skilið efnaleifum og tómum umbúðum til endurvinnslustöðva.