Að mála heita potta

Að mála heita potta

Slitsterkt og gljáandi tveggja þátta epoxýlakk.

Þegar mála skal heita potta skiptir undirbúningur öllu máli. Athugið einnig að mála ekki á kvöldin vegna hættu á daggarmyndun. Jafnframt er mikilvægt að málningin á pottinum nái að þorna í 3-5 daga fyrir notkun.

1. Mattið plastið með sandpappír (nr. 180-220).
2. Hreinsið burt slípiryk og önnur óhreinindi.
3. Grunnið t.d. með Gelshield 200 epoxýgrunni.
4. Málið tvær umferðir með Intergard 740.
5. Ef notuð er hálkuvörn er ágætt að bæta henni út í málninguna í seinni umferð.

1. Opnið steininn (fjarlægið sementshúð) með steinslípun eða kröftugum háþrýstiþvotti. Potturinn þarf að þorna vel.
2. Grunnið með Intergard 740 málningu, 25% þynntri með International GTA220 þynni.
3. Málið tvær umferðir með Intergard 740.
4. Ef notuð er hálkuvörn er ágætt að bæta henni út í málninguna sem málað er með í seinni umferð.

1. Mattið yfirborð og þrífið fleti.
2. Fjarlægið alla lausa málningu með kröftugri háþrýstidælu. Potturinn þarf að þorna vel.
3. Málið 1-2 umferðir með Intergard 740.
4. Ef notuð er hálkuvörn er ágætt að bæta henni út í málninguna sem málað er með í seinni umferð

Ekki láta málningar­dósina standa opna meðan á verki stendur. Þrífið verkfæri strax eftir notkun. Athugið að kviknað getur í olíublautum tuskum og tvisti af sjálfu sér og verður að bleyta þær með vatni áður en þeim er hent á öruggan stað. Hellið ekki málningar- og hreinsiefnaleifum í niðurföll. Skilið efnaleifum og tómum umbúðum til endurvinnslustöðva.