Alhliða viðloðunargrunnur

Multiprimer Aqua Protect

Multiprimer Aqua Protect er alhliða, háþekjandi, vatnsþynnanlegur akrýlgrunnur, ætlaður til notkunar innan- og utanhúss. Hann hefur magnaða viðloðun en sá eiginleiki er fenginn fram með svo kallaðri krosstengitækni (cross-linking technology) í uppbyggingu bindiefnisins. Grunnurinn gengur bæði undir alkýð- og akrýlmálningu.

Multiprimer er auðveldur í notkun, hylur og fyllir vel og hefur mjög gott útflot. Hann er einangrandi, t.d. á ómálaðan við, yfir nikótín-, sót og vatnsbletti og inniheldur ryðvarnarefni. Hann er lyktarlítill, þornar og harðnar hratt og slípast vel (eftir um 6 klst.), sem gerir það mögulegt að bera nokkrar umferðir á flötinn á einum degi. Hann sápast ekki og hleypir raka frá undirlagi í gegnum sig. Einn aðalkostur Multiprimer er að hann má lita, t.d. í sama lit og lakkið. Þannig má jafnvel spara sér umferð af lakki eða málningu undir vissum kringumstæðum.

Multiprimer Aqua Protect grunnurinn binst afar vel við margs konar viðarfleti innandyra, steypu, múrsteina og gifs en einnig við PVC harðplast (nema pólýolefín plastefni, t.d. PE og PP), pólýester, keramík, pólýkarbónat, allar gerðir af málanlegu plasti, galvaníseruðum málmi, sinki, áli, gleri, lakkfilmum (eftir möttun og affitun) o.fl. Hann er góður viðloðunargrunnur yfir eldri akrýlmálningu eða lakk eftir möttun. Multiprimer Aqua Protect er einnig hentugur á fleti sem hafa áður verið málaðir með alkýðmálningu; þá er mikilvægt að hreinsa og slípa fletina vel fyrir málun.