Lin Chaume - Arte
Lin Chaume – Arte
Flamant Honoré veggfóðurslínan er hluti af belgíska vörumerkinu Flamant, sem margir þekkja hérlendis, m.a. fyrir vönduð húsgögn og innanhússhönnun. Lengi vel hefur Flamant í samvinnu við Arte skapað sínar eigin veggfóðurslínur sem orðnar eru íkonískar í heimi innanhússhönnunar. Hör er grunnurinn að hönnuninni en hör er almennt talinn fjölhæfasti vefnaðurinn í innanhússhönnun vegna endingar, öndunareiginleika og hlýlegs og náttúrulegs útlits. Honoré línan er virðingarvottur við þessa textílklassík, sem spannar rófið frá hinu hversdagslega til hins fágaða í þremur einstökum útgáfum af hörmynstri. Allar kalla þær fram sama náttúrulega sjarmann.
Lin er túlkun á hlýlegu og áþreifanlegu mynstri af fremur þéttofnum hör með náttúrulegu útliti og tilfinningu. Hönnuðirnir sóttu innblástur að litapallettunni í fegurð náttúrunnar. Hún inniheldur hvorki meira né minna en 61 litaútgáfu, allt frá mjúkum pastel- og jarðtónum til líflegra og djarfra lita. Þar með má ætíð finna veggfóður sem passar við hvaða stíl og rými sem er.
Lin veggfóðrið er með baki úr blöndu af pappír og gervitrefjum (non-woven) sem þenst ekki út í límingu og er auðvelt að ná af veggnum síðar meir. Athugið að mælt er með að setja límið á vegginn. Blautt/rakt lím má strjúka létt af framhliðinni með rökum svampi við upphengingu. Lin hefur háan þvottastuðul. Lesið leiðbeiningar vel eða fáið fagmann í verkið.
31.093 kr. rúlluverð
Í boði sem biðpöntun
Canvas Graphite - Boråstapeter