
Borage Leafy Arbour - Morris & Co
Borage Leafy Arbour – Morris & Co
Enski fjöllistamaðurinn William Morris, sem var í fararbroddi í list- og handíðahreyfingunni (Arts and Crafts) á 19. öld, er sérstaklega þekktur fyrir veggfóðurshönnun sína. Áherslur hans voru á náttúruleg form og lífræna hönnun í daglegu lífi almennings, með stílfærðum blómum, plöntum, fuglum, ávöxtum og fleiri náttúrumótífum. Þessi mikli hugsjónamaður skildi eftir sig um 50 mynstur sem höfðu mikil áhrif á innanhússhönnun almennt, t.d. gætir áhrifa hans greinilega í Art Nouveau, sem er beinn forveri Art Deco stílsins. Fingraför Morris eru greinileg í mynsturgerð enn þann dag í dag enda hefur hann oft verið nefndur faðir veggfóðursins.
Morris & Co kynna hér Borage, hönnun Morris frá 1883. Upprunalega var Borage gert fyrir textíl en kemur núna fram í veggfóðri vegna samstarfs við Emery Walker´s House, sögulegs heimilis hin þekkta leturgerðarmanns og náins vinar William Morris, Sir Emery Walker. Þetta líflega blómamynstur með mörgum samhverfum ásum gefur auganu marga ánægjulega hvíldarpunkta. Borage þýðir hjólkróna, en það blóm er í miklu dálæti hjá býflugum og öðrum frjóberum og er fullkomið dæmi um teikningar William Morris sem vildi skreyta hýbýlin með mótífum beint úr náttúrunni.
Athugið að mælt er með að setja límið á bakhlið veggfóðurs, ekki beint á vegginn. Þrífið límbletti af með hreinu vatni og mjúkum svampi ÁÐUR en límið þornar. Lesið leiðbeiningar vel eða fáið fagmann í verkið.
33.224 kr. rúlluverð
Í boði sem biðpöntun