Eldvarnarmálning

Sérefni bjóða upp á CE- og SITAC-vottaða eldvarnarmálningu fyrir timbur og stál. Mannvirkjastofnun samþykkir því alla okkar eldvarnarmálningu.

Á timbur er um tvo valmöguleika að ræða. Hægt er að nota glært eða þekjandi málningarkerfi sem breytir brennanlegu yfirborði í klassa  A (ekki brennanlegt yfirborð). Einnig bjóðum við upp á eldvarnarmálningu á rafmagnskapla og tré sem burðarvirki.

Eldvarnarmálning á stál er gerð fyrir 30, 60, 90 og 120 mínútu eldvörn og allar gerðir stálbita eins og IPE og HEA bita eða hola stálprófíla. Við útreikninga á efnisþörf og þykktum eldvarnarmálningar á stáli þarf að huga að ýmsum atriðum út frá brunahönnun hússins, t.d. þurfum við að vita um tegund/heiti stálbita, hvort þeir liggi lóðrétt eða lárétt, um leyfilegan krítískan stálhita við brunaálag og hvort það séu þrjár eða fjórar hliðar stálbitanna sem lenda undir brunaálagi.

Alla eldvarnarmálningu og grunna undir málninguna er hægt að fá vatnsþynnanlega.