Rispu- og fituþolið akrýllakk 25%

Rubbol BL Rezisto Satin

Rubbol BL Rezisto Satin er níðsterkt, vatnsþynnanlegt akrýllakk, ætlað til notkunar innanhúss. Rezisto Satin lakkið er sérlega hannað til að standast álag sem í hefðbundnum lökkum veldur rispum og mýkingu vegna fitu, t.d. húðfitu (sem smám saman gerir flötinn erfiðan að þrífa). Þessir eiginleikar eru fengnir með sk. krosstengitækni (cross-linking technology) í uppbyggingu bindiefnisins. Rubbol BL Rezisto Satin hentar því afar vel í skólum, veitingastöðum, eldhúsum og öðrum svæðum þar sem mikið álag getur verið á yfirborðsflötum. Lakkið er frábært á handrið.

Rezisto lakkið er auðvelt í notkun, flýtur vel og þornar hratt. Það hylur afar vel, er lyktarlítið og gulnar ekki. Rubbol BL Rezisto Satin er ætlað sem ysta málningarlag á við, málma, PVC og annað harðplast, steypu og gifs og er borið ofan á undirlag af viðeigandi grunni.