Kalkmálning nýtur æ meiri vinsælda á Íslandi þessa dagana. Nú eru það ekki einungis arkitektar og hönnuðir sem velja þetta náttúrulega efni til að prýða hýbýli sín. Almenningur hefur komið auga á að hún hentar víða þar sem sóst er sérstaklega eftir skapandi og persónulegum stíl, en ekki síst hlýleika.
Kalkmálningin er svo falleg. Hægt er að leika sér með hana á marga vegu til að fá útlit sem passar stíl hvers og eins. Í kynningunni hér fyrir neðan má t.d. sjá að guli veggurinn er málaður þvers og kruss en súlan upp og niður. Áferðin á þessum flötum er fremur ljúf en það má stýra því hversu gróf blæbrigðin verða með því að hafa strokurnar fastari og með því að þynna seinni umferðina. Sérefni er eina fyrirtækið á landinu sem býður upp á ekta ítalska kalkmálningu, sem er steinefnamálning án allra plastefna.
