Að lakka glugga, hurðir og húsgögn

Að lakka glugga, hurðir og húsgögn 

Með vatnsþynnanlegu akrýllakki

Aðferð

Athugið að þar sem fituálag er mikið, s.s. á eldhússkápum, hentar gljástig 40% eða 90% best.

Nýmálun

1. Þegar ómeðhöndlaður viður er málaður skal einangra kvisti með Original Kvistlack eða Schellack.
2. Grunnið, t.d. með Rubbol BL Rezisto Primer eða einangrunargrunnum á borð við Rubbol BL Isoprimer eða Dialprim.
3. Spartlið eftir grunnun með Professional Snickerispackel. Slípið flötinn vel og þurrkið af ryk með límklút.
4. Grunnið yfir spartlið.
5. Málið loks tvær umferðir af Nordsjö eða Sikkens lakki.

Endurmálun

1. Fjarlægið fitu og óhreinindi af áður máluðum flötum með Original Målartvätt og vatni. Blandið Målartvätt með vatni í hlutfallinu 1:3. Berið blönduna á með svampi eða bursta. Látið blönduna liggja á fletinum í nokkrar mínútur og skrúbbið af með blautri tusku eða bursta og vatni.
2. Gljáandi fleti skal slípa matta með sandpappír nr. 400 til að tryggja góða viðloðun og þurrka allt ryk með límklútum.
3. Grunnið flötinn ef þörf er á með Original Häftgrund, Rubbol BL Rezisto Primer eða BL Primer.
4. Spartlið flötinn ef þörf er á og grunnið.
5. Málið 2 umferðir af Nordsjö eða Sikkens lakki. Ef Original Häftgrund grunnur er valinn skal láta hann (og milliumferðir) þorna yfir nótt áður en lokalakkumferðin er borin á.

*Nákvæmari upplýsingar um efnin má finna í tækniblöðum.

Heilsufars- og umhverfismál

Við pússun eða þegar málning er fjarlægð með hita geta myndast agnir og gufur sem eru skaðlegar heilsunni. Ávallt skal mála í vel loftræstu rými og nota grímur fyrir öndunarfæri ef loftræsting er ónóg. Sjá einnig upplýsingar á öryggisblaði.

Ekki láta málningardósina standa opna meðan á verki stendur. Þrífið verkfæri strax eftir notkun. Hellið ekki málningar- og hreinsiefnaleifum í niðurföll. Skilið efnaleifum og tómum umbúðum til endurvinnslustöðva