Litaleit

Í Sérefnum notum við mest okkar eigið litakerfi – ACC-litakerfið – við að lita málningu, en það gefur möguleika á um 2 milljónum lita þó raunhæfur fjöldi sé mun minni. Augað greinir nefnilega illa eða ekki suma liti nema við ákveðin birtuskilyrði. ACC-kerfið okkar er þróað út frá öðrum viðmiðum en NCS-kerfið (sem flestir málningarsalar á Íslandi nota). ACC-kerfið gengur út frá þremur eiginleikum litar; litatóni, litastyrk og birtustigi og fylgir sömu röð og náttúrulega litrófið (sem sést t.d. á því hvernig litir regnbogans raðast upp innbyrðis). NCS-kerfið g byggir á sex grunnlitum; gulum, rauðum, bláum, grænum, svörtumog hvítum. NCS-kóði gefur til kynna líkindi við einn af þessum sex grunnlitum.

Þetta þýðir að engin samsvörun er milli litakerfanna og ómögulegt að taka litakóða í öðru kerfinu og yfirfæra á kóða í hinu. Eina leiðin er að skanna litinn og leita að litnum í öðru kerfi – en niðurstaðan verður aldrei alveg eins. En þó ACC sé okkar aðallitakerfi getum við líka litað málningu úr öðrum litakerfum, NCS þar með talið.

Smelltu á hnappinn hér að neðan til þess að skoða þúsundir lita úr litakerfinu okkar.