Í vikunni verða Sérefni 10 ára. Afmælinu verður fagnað með kaffi og kökum á föstudaginn og er öllum boðið kíkja við í versluninni.
Hérna eru nokkrar myndir frá fyrsta ári fyrirtækisins í Lágmúla 7. Það er klárt að stofnandinn Ómar aðhylltist naumhyggju enda var setið á pappakössum og lagerinn á sama gólfi og skrifstofan. Takið eftir “gardínunum”.
Sérefni voru stofnað í apríl 2006. Starfsemin snerist í upphafi að mestu um ráðgjöf og sölu á International skipa- og iðnaðarmálningu. En tæpu ári síðar bættist Nordsjö umboðið við og verslunin í bakhúsinu að Lágmúla 7 var opnuð.
Starfsaðstaðan var ekki beysin fyrsta árið eins og áður sagði en hér er að komast skikk á málin. Kristrún okkar sá til þess að allir komu glaðir inn og fóru sáttir út.
Við eigum afmæli í dag! Sérefni eru 10 ára og allt í lukkunnar velstandi. Öllum er boðið í kaffi og kökur.
Hér eru svo nokkrar myndir úr kvöldboðinu.
