Við uppsetningu á Orac Decor listum og rósettum er best er að nota límið Decofix sem er sérhannað fyrir þessa gerð af plasti. Orac vörurnar koma grunnaðar og má ýmist mála fyrir eða eftir uppsetningu.

Gólflistar tengja gólf og veggi saman á glæsilegan hátt. Þeir gefa rýminu karakter og geta látið virka hærra til lofts. Með gólflistum er þægilegt að fela snúrur og óregluleg eða ljót skil milli gólfs og veggjar. Þeir eru steyptir úr sterku Duropolymer® efni (háþéttni pólýstýrenblanda), sem er höggþolið, vatnshelt og afar létt. Listarnir springa því hvorki, dældast, flagna, bólgna né fúna. Frábær og viðhaldsfrí lausn í eldri jafnt sem nýrri hús en listarnir koma einmitt  í mismunandi stílgerðum.

Loftalistar mynda fallega sjónræna tengingu milli veggja og lofts. Snjallt er líka að nota þá til að fela sprungur, galla og ófullkomnar línur í kverkum. Úrvalið í loftalistum er mikið og má velja milli fjölda stíltegunda í ýmsum breiddum; allt frá einföldum, nútímalegum listum til klassískari og rómantískari gerða. Loftalistarnir frá Orac Decor eru gerðir úr tveimur plastefnum: Léttu, níðsterku og endingargóðu harðplasti eða stífu frauðplasti.

Ljósalistar skapa skemmtilega stemningu með mildri óbeinni lýsingu. Þeir henta jafnt á heimilum sem í verslunum, skrifstofum og hótelum. Fallegt er að mála þá, t.d. í sama lit og vegginn eða loftið. Flestum tegundum ljósalista má snúa á tvo vegu með lýsingu upp að lofti eða niður á vegginn. Þá má einnig nota margar tegundir sem gluggatjaldalista.

Vegglistar skipta veggjum upp á skemmtilegan hátt. Þeir gefa litaskilum líka glæsilegt yfirbragð því fallegt er að láta litinn á listanum fylgja öðrum hvorum litnum, þeim efri eða neðri. Vegglistarnir eru einnig notaðir til að skreyta veggi og hurðir, t.d. með því að setja saman ferninga úr þeim til að búa til eins konar fulningaútlit. Vegglistarnir eru höggþolnu Duropolymer® efni.

Rósettur, með eða án blómamynstri, lífga fallega upp á loftin. Þær brjóta upp stóra fleti og rýmin verða hlýlegri og glæsilegri fyrir vikið. Hægt er að beita hugarfluginu og breyta út af hefðinni, t.d. eru rósettur fallegt veggskraut. Sumir leika sér með minni rósetturnar og raða þeim upp í mynstur og raðir, mála þær í ólíkum litum, o.s.frv.

 

MYNDBÖND – Auðvelt og fljótlegt er að líma listana upp. Hér fyrir neðan má skoða myndbönd sem sýna hvernig best er að bera sig að:

  1. Innri horn loftlista
  2. Ytri horn loftlista
  3. Listar sem lokast á miðjum vegg
  4. Samskeyti, allir listar
  5. Óbein lýsing
  6. Gólflistar