Umhverfisvottaðar vörur

8. september, 2018

Málningar- og efnafyrirtækið AkzoNobel með vörumerkin Nordsjö, Sikkens og International innanborðs – framleiðendur húsa- og skipamálningarinnar okkar – var í gær valið í efsta sæti sjálfbærnivísitölu Dow Jones (DJSI), sem er fremsti mælikvarði í heimi fyrir sjálfbærni fyrirtækja. Fimm sinnum á síðustu sex árum hefur AkzoNobel landað efsta sætinu af lista 350 fyrirtækja í efnaiðnaðinum sem þykja skara framúr í umhverfis-, félags- og efnahagsmálum. Við erum mjög hreykin af þessum árangri og vinnum stöðugt með Nordsjö og fleiri framleiðendum að því að bæta vistsporið okkar, jörðinni okkar og framtíðarkynslóðum til góða. Sjá AkzoNobel Reclaims Top Ranking Dow Jones Sustainability Index 

vbr grænn

SérEfni er aðili að Vistbyggðarráði en tilgangur þess er að vera leiðandi vettvangur á sviði sjálfbærrar þróunar við skipulag, hönnun, byggingu, rekstur og viðhald mannvirkja á Íslandi. Með aðild í Vistbyggðarráði styður SérEfni við umbætur í anda sjálfbærrar þróunar í íslenskum byggingariðnaði. 

Hér fyrir neðan má sjá lista yfir Nordsjö vörur í SérEfni sem hafa viðurkenndar alþjóðlegar umhverfisvottanir og standast því ströngustu kröfur um vistvæna málningu.

Evrópublómið

Evrópublómið er opinbert umhverfismerki Evrópusambandsins. Markmið Blómsins er að kynna vörur með sem minnstum umhverfisáhrifum. Til þess að uppfylla kröfur Blómsins eru áhrif vörunnar metin, til að mynda orkunotkun við framleiðslu, umhverfisálag við notkun, íblöndun kemískra efna og meðhöndlun úrgangs. Strangar reglur gilda um lífræn leysiefni, þungmálma og eiturefni. Umhverfisstofnun hefur umsjón með Blóminu á Íslandi.

Blái fuglinn

Blái fuglinn er merki Sænsku astma- og ofnæmissamtakanna. Vara sem samtökin mæla með hefur verið metin laus við ofnæmisvalda, ilmefni og ertandi efni að því marki að engin læknisfræðileg tilvik hafa fundist sem tengjast innihaldsefnum vörunnar.

FSC og sjálfbærni skóga

FSC-táknið vottar um samstarf við FSC (Forest Stewardship Council) um stjórnun skóga með sjálfbærum hætti. Í FSC merktri skógrækt eru ekki felld fleiri tré en skógurinn nær að endurnýja. Jafnframt tryggir FSC vottun að dýra- og plöntulíf  er verndað og starfsmenn skógræktarinnar fái nauðsynlegan öryggisútbúnað og sæmileg laun. FSC merkið var stofnað fyrir tilstilli alþjóðlegs samstarfs á milli umhveFSCrfissamtaka, mannréttindasamtaka, skógræktar og timburiðnaðar. Tilgangur merkisins er að fá framleiðendur til að taka meiri ábyrgð á umhverfislegum-, félagslegum- og hagrænum þáttum í skógrækt.

  • Öll viðarvarnarefni frá Nordsjö eru FSC vottuð.

BREEAM og vistvænar byggingar

Alþjóðlega vistvottunarkerfið BREEAM hefur það að markmiði að draga úr áhrifum bygginga á umhverfið. Þannig á það að hvetja til umhverfislega betri hönnunar á byggingum og betri umhverfisstjórnunar á verktíma og rekstrartíma byggingarinnar. Einnig er lögð áhersla á þætti sem stuðla að heilsusamlegra umhverfi fyrir notendur byggingarinnar. Með BREEAM er verið að svara þörf fyrir viðmiðunarramma um það hvað sé vistvænt mannvirki og jafnframt að auka eftirspurn eftir vistvænum byggingum.